Xəbərlər

Rusiya Federasiyası prezidentinin mətbuat katibi Dmitri Peskovun fikrincə, hər bir xalqın öz müqəddəratını təyin etmək hüququ elə bir situasiyada ön plana çıxır ki, artıq beynəlxalq hüquq normaları işləmir və xaos təhlükəsi yaranıb.

ERtv RİA Novosti-yə istinadən xəbər verir ki, TVS telekanalında çıxışı zamanı “Provo znat” proqramında Peskov bildirib:

“Əksliklərin belə bir vəhdəti var: dövlət sərhədlərinin toxunulmazlığı, dövlətin ərazi, siyasi bütövlüyünün pozulmazlığı və xalqların öz müqəddəratını təyin etmək hüququ. Bu əksliklər beynəlxalq hüquq normalarına əməl olunduğu, dövlətin dövlət kimi var olduğu təqdirdə, müəyyən ekstremal məqama kimi pozulmazdır”.

“Lakin indi Ukraynada baş verdiyi kimi, dövlət beynəlxalq hüquq çərçivəsindən kənara çıxdıqda və ölkədə silahlı qiyam baş verdiyi halda əksliklərin vəhdəti pozulur və öz müqəddəratını təyinetmə prinsipi dövrəyə girir. Bu zaman insanlar sadəcə özünüqoruma instinktinə əsaslanır - deyə Peskov qeyd edib. İnsanlar gələcək taleyinin həlli üçün birgə qərar qəbul edir. Tarixi yaddaş və digər amillər burada əlavə faktor rolunu oynaya bilər” - RF-nin mətbuat katibi əlavə edib.