Xəbərlər

67-ci Kann kinofestivalının proqramı elan edilib.

ERtv-nin ANS-Press-ə istinadən verdiyi xəbərə əsasən, bu il münsiflər heyətinə qadın rejissor Ceyn Kempion rəhbərlik edəcək.

Açılış filmi Olivye Daanın Nikol Kidmanın baş rolda çəkildiyi Qreys Kelli barədə “Monako şahzadəsi” olacaq.

Azərbaycan kinosu tarixində ilk dəfə olaraq “Sonuncu” qısametrajlı bədii filmi festivalının əsas müsabiqə proqramlarından biri olan “Qısa metr” proqramına daxil edilib.

Mədəniyyət və Turizm Nazirliyinin sifarişi ilə C.Cabbarlı adına “Azərbaycanfilm” kinostudiyası və “Buta Films” şirkətinin istehsalı olan filmin quruluşçu rejissoru Sergey Pikalov, ssenari müəllifləri Sergey Pikalov və Aleksandr Krasavin, quruluşçu operatoru Denis Madışev, quruluşçu rəssamı Əziz Məmmədov, prodüserləri Mariya İvanova, Nəsib Piriyev, Müşfiq Hətəmovdur.

İkinci dünya müharibəsinin veteranı barədə fəlsəfi və ibrətamiz hekayəni tamaşaçıya nəql edən filmdə İdris Rüstəmov və Corc Qafarov çəkiliblər.

Proqramda Azərbaycanla yanaşı, Çin, Gürcüstan, Yaponiya, Kolumbiya, Macarıstan, Fransa, Bülçika və Norveç filmləri nümayiş olunacaq. "Qısa metr" proqramının münsiflər heyətinin sədri dünya şöhrətli İran kinorejissoru Abbas Kiarostamidir.

Festival 14-25 may tarixlərində keçiriləcək.