Xəbərlər

Yanvar-fevral ayları ərzində muzdla işləyənlərin orta aylıq əmək haqqı ötən ilin müvafiq dövrü ilə müqayisədə 6,7 faiz artaraq 426,4 manat təşkil edib.

ERtv-nin Dövlət Statistika Komitəsinə istinadən verdiyi xəbərə görə, sənaye, tikinti, nəqliyyat və s. sahələrdə işləyənlərin əmək haqqı daha yüksək olub.

Belə ki, yanvar-fevral ayları ərzində sənayedə çalışanların orta aylıq əmək haqqı 652,9 manat, tikinti kompleksində işləyənlərin əmək haqqı 615,1 manat, nəqliyyatda muzdlu işçilərin əmək haqqı 521,8 manat, informasiya və rabitədə çalışanların əmək haqqı 661,1 manat təşkil edib.