Xəbərlər

Müdafiə sənayesi naziri Yavər Camalovun başçılıq etdiyi nümayəndə heyəti Malayziyada səfərdədir.

ERtv-nin Müdafiə Sənayesi Nazirliyinin (MSN) saytına istinadən verdiyi xəbərə görə, səfərdə məqsəd aprelin 14-dən 17-dək Malayziyanın Kuala-Lumpur şəhərində keçiriləcək XIV Asiya Müdafiə Xidmətləri Sərgisində (DSA-2014) MSN-in müəssisələrində yaradılan və istehsal edilən müdafiə təyinatlı məmulatların nümayiş etdirilməsidir.  

Qeyd edək ki, dörd gün davam edəcək və 55 ölkədən 800-dən çox şirkətin iştirak etdiyi sərgidə MSN 132 adda məmulat nümayiş etdirəcək.

Səfər çərçivəsində nazir Y.Camalovun Malayziyanın dövlət rəsmiləri və sərgiyə qatılan ölkələrin nümayəndə heyətlərinin rəhbərləri ilə görüşləri də nəzərdə tutulur.