Xəbərlər

Bakıda polis rəisi İlqar Mahmudovun maşını qəzaya uğrayıb.

ERtv-nin məlumatına görə, hadisə bu gün səhər saatlarında paytaxtın Binəqədi rayonu Xocahəsən qəsəbəsi yolunda baş verib.

Belə ki, “Hyundai-Sonata” markalı avtomobil ilə “Hyundai-Tucson” markalı avtomobil toqquşub.

Qeyd edək ki, qəzaya uğrayan “Hyundai-Sonata” markalı, 90 AA 104 dövlət nömrə nişanlı avtomobil Səbail rayon Polis İdarəsinin rəisinin xidməti avtomobili olub.

Səbail Rayon Polis İdarəsindən verilən məlumata görə, qəza baş verən zaman rəisin özü maşında olmayıb. Onun sürücüsü isə qəza zamanı ciddi xəsarətlər aldığından hadisə yerində dünyasını dəyişib.

Faktla bağlı araşdırma aparılır.