Xəbərlər

Dövlət Neft Şirkəti Suraxanı rayonunun Qaraçuxur qəsəbəsində əhalini təşvişə salan odarant iyi ilə bağlı açıqlama yayıb.

Şirkətdən ERtv-yə verilən məlumata görə, şirkətin Qaz İxrac İdarəsinin Abşeron Magistral Qaz Kəmərləri Sahəsinin Qaraçuxur qəsəbəsində yerləşən qazpaylayıcı stansiyasında rekonstruksiya və torpağın rekultivasiyası işləri aparılıb.

Ərazi SSRİ vaxtından yerin altında qalmış boru hissələri və dəmir qırıntılarından təmizlənib.

“Bu zaman yerin altında çoxdan qalmış köhnə odarant qabı üzə çıxıb və onun içində olan odarant qalıqlarının iyi ətrafa yayılıb. Bu, əhali arasında qısamüddətli təşviş yaratsa da, görülmüş operativ tədbirlər nəticəsində insident aradan qaldırılıb”, - deyə, şirkətdən qeyd olunub.