Xəbərlər

ANS PRESS-ə istinadən xəbər verir ki, öncə mərhumla Akademik Milli Dram Teatrının binasında vida mərasimi keçirilib.

Vida mərasimində Baş nazir Artur Rəsizadə, Prezident Administrasiyasının rəhbəri Ramiz Mehdiyev, mədəniyyət və turizm naziri Əbülfəs Qarayev, xalq yazıçıları Anar, Elçin Əfəndiyev, dövlət müşaviri Kamal Abdulla, xalq şairləri Zəlimxan Yaqub, Sabir Rüstəmxanlı, Fikrət Qoca, Eldar Quliyev, Nəriman Həsənzadə, millət vəkilləri və digər tanınmışlar iştirak ediblər.

Mərasimdə nazir Ə.Qarayev “İsa Hüseynovun əsərləri Azərbaycan ədəbiyyatının ən mükəmməl nümunələridir” - deyə, bildirib.

Yazıçı Anar da İ.Hüseynov haqqında danışıb.

“Onun ədəbiyyatımızda yeri əbədi olaraq qalacaq. Mən onunla tez-tez danışırdım. Onun aramızdan belə tez gedəcəyinə inanmazdım” - deyə, A.Rzayev deyib.

Vida mərasimindən sonra xalq yazıçısı Fəxri xiyabanda torpağa tapşırılıb.

Mərhumun məzarı üstündə dəfn mərasimi zamanı saz çalınıb. Məlumata görə, yazıçı bunu özü vəsiyyət edib.

Qeyd edək ki, İ.Hüseynov aprelin 1-də ürək çatışmazlığından dünyasını dəyişib.