Xəbərlər

“BP-Azerbaijan” şirkətindən Gün.Az-a verilən məlumata görə, bu yeni vəzifəsində Mörfi Şahdəniz üzrə qazın dəyər zəncirinin (QDZ) inteqrasiyasına və BP-nin bütün Cənub Dəhlizi məsələləri üzrə şirkət xarici işlərinə, o cümlədən Şahdəniz QDZ-nin Yunanıstan, Albaniya, İtaliya hökumətləri və Avropa Komissiyası ilə əlaqələrdə təmsil  olunmasına cavabdeh olacaq.

Co BP-nin Bakı ofisində işləyəcək və BP-nin AGT regionu üzrə rəhbər qrupunun  üzvü olacaq.
Bu təyinat AGT regionunun Cənub Dəhlizi üzrə hazırkı vitse-prezidenti Al Kukun BP Qrupu prezidentinin icra aparatının rəhbəri vəzifəsinə təyin olunmasından sonra  verilib.

Hər iki təyinat may ayının əvvəllərində qüvvəyə minəcək.

Qeyd edək ki, Co Mörfi öz yeni təyinatına hazırda işlədiyi əməyin təhlükəsizliyi və əməliyyat riskləri üzrə icraçı vitse-prezidentin icra aparatının rəhbəri vəzifəsindən keçəcək. Co BP şirkətinə 2000-ci ildə gəlib. O, neft və qaz sənayesi sahəsində təcrübəli menecerdir və Meksika Körfəzi, Vyetnam, Yaxın Şərq, Misir və Şimali Amerika regionlarında  rəhbər vəzifələrdə çalışıb.