Xəbərlər

Adətən seçkidən sonra belə olur, yəni, enerjinin böyük hissəsi seçki prosesləri dövründə gedir.

Gün.Az Azvision.az-a istinadən xəbər verir ki, bu fikirləri hakim Yeni Azərbaycan Partiyasının (YAP) icra katibinin müavini, millət vəkili Siyavuş Novruzov ölkə siyasi gündəmində yaşanan durğunluğu şərh edərkən deyib.

YAP yetkilisi vurğulayıb ki, hakim partiya qarşıdan bələdiyyə seçkilərinə hazırlaşır.

S.Novruzov müxalifət partiyaların fəaliyyətinə də qiymət verib.

“Onlar, onsuz da, ancaq mətbuatda fəaliyyət göstərir. Onların başqa fəaliyyətlərini görmürük. O baxımdan, mətbuatda mövzu olanda o partiyalar üzə çıxır, mövzu olmayanda da çıxmırlar.

Müxalifət düşərgəsi də elə ancaq qəzet səhifələrində fəaliyyət göstərirlər, başqa fəaliyyətləri yoxdur”, - deyə o, sözlərinə əlavə edib.