Xəbərlər

Gün.Az xəbər verir ki, Xantı-Mansiysk şəhərində namizədlər turnirində uğurla çıxış edən Şəhriyar Məmmədyarov 13-cü yerdən 10-cu yerə yüksəlib.

İndi onun aktivində 2760 xal var. Bu isə fevral ayındakından 3 xal çoxdur.

Xatırladaq ki, o, Xantı-Mansiyskda 4-cü yeri tutub. 3-cü yerə sahib olan Vladimir Kramnik şahmatçımızdan yalnız əlavə göstəricilərə görə fərqlənib.

İlk 100-lüyə 3 şahmatçımız - Teymur Rəcəbov (2713 xal 33-cü), Rauf Məmmədov (2660 xal, 85-ci), Eltac Səfərli (2656 xal 91-ci) daxildir.

Liderlər 3-lüyünə Maqnus Karlsen (Norveç, 2881), Levon Aroyan (Ermənistan, 2812) və Vuşvanatan Anand (Hindistan, 2785) daxildir.

Komanda reytinqinə görə Azərbaycan 2626 xalla 12-ci yeri tutur.