Xəbərlər

Gün.Az xəbər verir ki, bunu jurnalistlərə açıqlamasında baş nazirin müavini, Qaçqınların və Məcburi Köçkünlərin İşləri üzrə Dölət Komitəsinin sədri Əli Həsənov deyib.

Ə.Həsənov bildirib ki, gəncləri ticarətə, biznesə deyil, orduya meylləndirməliyik.

İlk növbədə də işğal olunmuş rayonların gəncləri gəncləri hərbi məktəblərə, hərbi akademiyalarla meylləndirməlidirlər.

“Təəssüf ki, işğal olunmuş rayonlarda hərbi məktəbə gedən ggənclərin sayı çox azdır. Hesab edirəm ki, ilk növbədə məhz həmin rayonlardan olan gənclər hərbi məktəblərə və akademiyalara meyl etməlidirlər. Gəncləri ilk növbədə orduda xidmətə yöbəltməliyik. Torpağı işğal olunmuş bir ölkə üçün bu çox vacibdir.

Hər bir gənc, hər bir Azərbaycan vətəndaşı işğal olunmuş torpaqlarını azad etməyə hazır olmalıdır. Gənclərin hərbi vətənpərvərlik ruhunda böyüdülməsi isə ilk növbədə ailədən, məktəbdən başlamalı, onların hərbi vətənpərvərlik hissi gücləndirilməli, bununla bağlı dərsliklərə xüsusi əlavələr salınmalı, xüsusi proqramlar hazırlanmalıdır.

KİV də bu işə öz dəstəyini artırmalıdır. Yalnız bütün bunlardan sonra biz işğal olunmuş torpaqlarımızı azad edə bilərik” – deyə Ə.Həsənov vurğulayıb.