Xəbərlər

Gün.Az xəbər verir ki, bunu təhsil nazirinin müaviniCeyhun Bayramov jurnalistlərə deyib.

O bildirib ki, növbəti ildə təhsil müddətinin uzadılması gözlənilir.

“Ancaq bu tədris ili planlaşdırılmış halda başa çatacaq. Çünki təhsilin uzadılması tədris proqramları ilə bağlıdır, bunu dərs ilinin ortasında etmək düzgün olmaz” - deyə nazir müavini bildirib.

C.Bayramovun sözlərinə görə, Azərbaycanda cəmi 32 tədris həftəsi var.

“Bu çox aşağı bir göstəricidir. Digər ölkələrdə bu müddət 38 həftədir. Bəzi ölkələrdə isə bu 40-42-43 həftəyə çatır. Yəni, 32 həftə kifayət qədər qısadır. Tədris proqramı kifayət qədər ağırdır, zaman inkişaf etdikcə bu tədricən yüngülləşmir. Tədris müddətini azaltmaqla 1 günə düşən dərs yükünü artırırıq.

Bu da bir çox hallarda valideynlərin haqlı narazılığına səbəb olur” - C.Bayramov deyib.

Nazir müavinin sözlərinə görə, tədris həftələrinin ilinin əvvəlində və ya sonunda artırılması ilə bağlı dəqiq qərar qəbul olunmayıb.

“Ancaq böyük ehtimalla bu, dərs ilinin sonuna günlərin əlavə olunması hesabına uzadılacaq. Dərs müddəti 3 həftəyədək artırılacaq” - deyə o qeyd edib.