Xəbərlər

Ermənistanın Sünik vilayətində 22 ailənin yaşadığı Oxtar kəndinin sakinləri çörəyi borca alırlar.

ERtv “Joxovurd” nəşrinə istinadən xəbər verir ki, bu barədə kəndin ağsaqqalı Vaqarşak Ambartsumyan məlumat verib.

“Bizim bir neçə çörək sexi ilə razılaşmamız var. Onlar hər gün kəndə çörək gətirir və ayın sonunda kəndlilər pensiya hesabına onlara olan borclarını ödəyirlər”, - deyə o bildirib.

Bundan əlavə, ağsaqqal bildirib ki, yaxın vaxtlarda kəndin məktəbi bağlanacaq. Çünki şagirdlərin sayı günbəgün azalır.

“Çünki kənddə gənclər, gənc ailələr yoxdur. Kənddə sonuncu uşaq on il əvvəl doğulub”, - deyə ağsaqqal qeyd edib.