Xəbərlər

Yanvar-fevral ayları ərzində metro nəqliyyatının xidmətlərindən 34 milyon sərnişin istifadə edib.

ERtv-nin Dövlət Statistika Komitəsinə istinadən verdiyi xəbərə görə, bu da ötən ilin eyni dövrü ilə müqayisədə 3,7 faiz artım deməkdir.

Statistikaya əsasən bu müddətdə hava nəqliyyatı ilə 224,3 min və ya 3,2 faiz çox sərnişin daşınıb, daşınmanın 99,8 faizi dövlət, 0,2 faizi isə özəl müəssisələrə məxsus hava gəmiləri ilə həyata keçirilib.

Ümumiyyətlə, yanvar-fevral aylarında nəqliyyatçılar 272,8 milyon nəfərə və ya əvvəlki ilin eyni dövrü ilə müqayisədə 6,2 faiz çox sərnişinə xidmət göstəriblər. Sərnişinlərin 87,3 faizi avtomobil, 12,5 faizi metro nəqliyyatının xidmətlərindən istifadə ediblər.