Xəbərlər

Yanvar-fevral ayları ərzində Azərbaycan MDB ölkələri ilə 342 mln. 287,69 min dollar həcmində ticarət əməliyyatı aparıb.

ERtv-nin Dövlət Gömrük Komitəsinə istinadən verdiyi xəbərə görə, bunun 113 mln. 997.58 min dollarını MDB ölkələrinə ixrac, 288 mln. 290.11 min dollarəını isə həmin ölkələrdən Azərbaycana idxal təşkil edib. Ötən ilin eyni dövrü ilə müqayisədə ixrac 50,56 %, idxal isə 23,06 % azalıb.

Qeyd edək ki, bu ilin yanvar-fevral ayları ərzində Azərbaycan 112 ölkə ilə 4 mlrd. 968 mln. 389 min dollar məbləğində ticarət əməliyyatı aparıb. Bu göstərici ötən ilin müvafiq dövrünə nisbətən 11,56% azalıb.

Ticarət dövriyyəsinin 3 mlrd. 778 mln. 508 min dolları ixracın, 1 mlrd. 189 mln. 881 min dolları isə idxalın payına düşüb.

Bu ilin ilk iki ayında ixrac 9,69%, idxal isə 17,01% azalıb.Yanvar-fevral aylarında 912 çeşiddə mal ixrac olunub, 3 955 çeşiddə isə mal idxal olunub.

Hesabat dövründə Azərbaycanın ticarət dövriyyəsində 2 mlrd. 588 mln. 626 min dollar məbləğində müsbət saldo yaranıb.