Bu ilin yanvar-fevral ayları ərzində gömrük orqanlarından büdcəyə 196 mln. 640 min manat məbləğində vəsait daxil olub.

ERtv Dövlət Gömrük Komitəsinin statistikasına əsasən xəbər verir ki, bu göstərici ötən ilin müvafiq dövründən 9% artıqdır.

İlin iki ayında gömrük orqanlarından büdcəyə daxil olan məbləğin 75%-i və ya 148 mln. 995 min manatı əlavə dəyər vergisi (ƏDV) üzrə köçürülüb.

Yanvar-fevral aylarında gömrük rüsumları üzrə büdcəyə 38 mln. 056 min manat ödənilib.

İki ayda aksizlər üzrə büdcəyə köçürülən məbləğ 7 mln. 281 min manat, yol vergisi üzrə 2 mln. 307 min manat təşkil edib.