Xəbərlər

Novruz bayramı günlərində 20-27 mart tarixlərində “Azərbaycan Dəmir Yolları”nın müəssisə və stansiyalarında fasiləsiz iş rejimi tətbiq ediləcək.

ERtv-nin verdiyi xəbərə görə, Sərnişin Daşımaları Departamentinin kollektivi Novruz bayramı günlərində gucləndirilmiş iş rejimində işləyəcək.

Bayram günlərində sərnişin sıxlığının artması ilə əlaqədar ölkə daxilində hərəkət edən sərnişin qatarlarına hər gün 10-15, bəzən də 20 ədəd əlavə vaqonun qoşulması təmin ediləcək.

Bildirək ki, sərnişin qatarlarına bilet satışı 10 gün qabaqcadan, əlavə vaqonlara isə bilet satışı həmin vaqon qatara qoşulan gün həyata keçirilir. İş adamlarının nəzərinə çatdırılır ki, vaqonların yüklənməsi və boşaldılması prosesində fasilələr olmayacaq.