Xəbərlər

Milli Məclisdə deputat İlyas İsmayılovla sədr Oqtay Əsədov arasında mübahisə yaranıb.

ERTv xəbər verir ki, belə ki, deputat İlyas İsmayılov bildirib ki, ölkədə böyük real iqtisadi islahatlar aparılmır.

“Ölkədə kölgə iqtisadiyyatı dövlət tərəfindən 8-10 faiz səviyyəsində göstərilsə də, mütəxəssislər bunun 30% həcmində olduğunu deyirlər”.

İ.İsmayılov həmçinin ölkədə inhisarçılığın mövcud olduğunu deyib. O, eyni zamanda hesabatda bəzi sahələrdə istehsalın azalması göstərilsə də, onun səbəbləri barədə məlumatların yer almadığını qeyd edib.

Parlamentin sədri Oqtay Əsədovun bu çıxışa reaksiyası sərt olub.

“Yəni siz bu hesabatda müsbət heç nə görmədiniz? Problem sizdə deyil, sizə belə çıxış etməyə şərait yaratmaqdadır. Siz məgər göydən düşmüsünüz?” - deyə, sədr bildirib.