Xəbərlər

Bakı Metropolitenin “Gənclik” stansiyasının keçidlərindəki ticarət köşklərində satış qadağan olunub.

ERtv xəbər verir ki, satıcıların dediyinə görə, bu gün səhər saatlarında    malların toplanması tapşırılıb və onlara  bir saat vaxt verilib.

Metropolitenin “Gənclik” stansiyasından adının çəkilməsini istəməyən əməkdaş Gün.Az-a bildirib ki, rəhbərliyin tapşırığı ilə bu gün mağazalar açılmayıb.

“Bizə tapşırıq verildi ki, bu gün heç bir mağaza açılmasın. Hazırda bütün mağazalar bağlıdır.

Satıcılara da xəbərdarlıq olunub. Yəqin ki, onlar da yavaş-yavaş mallarını daşıyarlar”,-deyə, o qeyd edib.

Stansiyada ticarətin bərpa olunub olunmayacağı ilə bağlı isə əməkdaş bu barədə hər hansı məlumat verilmədiyini bildirib.