Azərbaycan Prezidenti İlham Əliyev Dövlət İqtisad Universitetinin rektoru Şəmsəddin Hacıyevin tutduğu vəzifədən azad edilməsi barədə sərəncam imzalayıb.
ERtv-nin AzərTAc-a istinadən verdiyi xəbərə əsasən, sərəncamda deyilir:
“Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:
Şəmsəddin Hümmət oğlu Hacıyev Azərbaycan Dövlət İqtisad Universitetinin rektoru vəzifəsindən azad edilsin”.
Dövlət başçısının imzaladığı digər bir sərəncama əsasən, Dövlət İqtisad Universitetinə yeni rektor təyin edilib.
Sərəncamda deyilir:
“Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:
Ədalət Cəlal oğlu Muradov Azərbaycan Dövlət İqtisad Universitetinin rektoru təyin edilsin”.