Xəbərlər

Cəbhə xəttində yerləşən hərbi hissələrdə zabit və gizirlərin mobil telefonlardan istifadəsinə məhdudiyyət qoyulub.

ERtv-nin verdiyi xəbərə görə, bu barədə Müdafiə Nazirliyinin mətbuat xidmətindən məlumat verilib.

Qeyd olunub ki, qadağaya səbəb düşmənlə üz-üzə dayanan həmin hərbi hissələrdə məxfiliyi qorumaqdır.

Qeyd edək ki, qadağa ancaq Müdafiə Nazirliyinin cəbhə xəttində yerləşən hərbi hissələrinə şamil edilib. Cəbhə xəttindən kənarda yerləşən hərbi hissələrdə telefondan istifadə ilə bağlı isə hər hansı qadağa və məhdudiyyət yoxdur.

Xatırladaq ki, bir müddət öncə Müdafiə Nazirliyinin bütün hərbi hissələrində şəhərlərarası taksofonların quraşdırılması ilə bağlı qərar qəbul olunub.