Xəbərlər

Suriyada çəkilən yaralı uşağın fotosu hamını təsirləndirib.

ERtv-nin ANS-Press-ə istinadən verdiyi xəbərə əsasən, fotoqraf Niklas Hammerştrömün Suriyadakı döyüşdə çəkdiyi uşaq fotosunu “UNICEF” 2013-cü ilin fotosu mükafatına layiq görüb.

İsveçli fotoqraf mükafat qazandığı həmin şəkli 2012-ci il oktyabrın 15-i tarixində çəkib.

Şəkildə Hələbdə oyun oynayarkən bombanın partlaması nəticəsində yaralanan 11 yaşlı bir qız uşağının üzündən yaralananması və qızın başını ehtiyatla tutan böyük qardaşının əlləri göstərilib.

Fotoqrafa mükafatı Berlində keçirilən mərasimdə təqdim edilib. Mərasimdə “UNICEF”-in Almaniya himayədarı Daniela Şadt bir çıxış edib.

“Uşağın baxışı bütün bir nəslin itib getməməsi üçün dünyaya bütün diplomatik və insani səylərini gücləndirmə çağırışıdır” -deyə Şadt şəkilə münasibət bildirib.

Foroqraf Hammerştröm ötən ilin noyabr ayında jurnalist Maqnus Folkehed ilə Suriyada qaçırılmış və yanvar ayının əvvəlində azad edilmişdi.

Qeyd edək ki, “GEO” jurnalının dəstəyilə keçirilən beynəlxalq müsabiqədə 27 ölkədən 82 fotoqraf iştirak edib.