Xəbərlər

Qəbələdə İkinci Azərbaycan Kənd İnvestisiya Layihəsi çərçivəsində “İcma Layihələrinin Dayanıqlığı” mövzusunda müzakirələr keçirilib.

ERtv-nin bölgə müxbiri Qəbələ Rayon İcra Hakimiyyətinə istinadən bildirir ki, layihənin təqdimatında Regional Qrantların Təsdiqi Komissiyasının nümayəndələri ilə yanaşı, şimal-qərb bölgəsindən dəvət olunmuş icma, bələdiyyə və ərazi icra mümayəndələri də iştirak ediblər.

Layihə müəllifləri ikinci Azərbaycan Kənd İcma Layihəsinin əlavə maliyyələşmə dövrü üçün hazırlanmış “Ətraf Mühitin İdarəetmə Planı”nın təqdimatını edəndən sonra qarşıda duran vəzifələr açıqlanıb.

Tədbirdə plan ətrafında geniş müzakirə aparılıb, iştirakçıların çoxsaylı sualları cavablandırılıb. İcra strukturundan verilən məlumata əsasən, layihə çərçivəsində indiyədək Qəbələnin Mıxlıqovaq, Həmzəlli, Tikanlı, Zarağan və Aydınqışlaq kəndlərində bir sıra infrastruktur işlər həyata keçirilib.

Yaxın vaxtlarda rayonun əhali sayı min nəfərdən cox olan digər kəndlərdə də yeni layihələrin icra olunacağı bildirilib.