Xəbərlər

Fevralın 21-də Tibb Universitetinin Tədris-terapiya şöbəsinin reanimasiya və intensiv terapiya şöbəsinə yerləşdirilən Ramiz Əzizbəyli palataya köçürülüb.

Bu haqda ERtv-yə aktyorun həyat yoldaşıZümrüd Əzizbəyli məlumat verib.

“Ramiz dünəndən (fevralın 26-da-red) palataya köçürülüb. Özünü yaxşı hiss edir, yavaş-yavaş danışır. Səhhəti əvvəlkindən xeyli yaxşıdır. Analizlərinin cavabları da bizi sevindirdi” - deyə, aktyorun həyat yoldaşı bildirib.

Z.Əzizbəyli söyləyib ki, R.Əzizbəylinin nə zaman evə buraxılacağı bəlli deyil:

“Onun nə zaman evə buraxılacağı bəlli deyil. Bu onun səhhətindən, özünü necə hiss etməsindən asılıdır. Ramiz tez sağalarsa, evə də tez buraxılacaq”.

Xatırladaq ki, Ramiz Əzizbəyli fevralın 9-da Heydər Əliyev Sarayında keçirilən yubiley gecəsindən sonra avtomobil qəzasına düşüb. Başından xəsarət alan aktyor bir neçə gün ev şəraitində müalicə olunub.

Qeyd edək ki, o, 1948-ci il iyulun 20-də Bakıda doğulub.