İlham Əliyev Küveyt Dövlətinin Vəliəhdini təbrik edib
24 fevral, 2014 20:45
Azərbaycan Prezidenti İlham Əliyev Küveyt Dövlətinin Vəliəhdi Şahzadə şeyx Nəvvaf əl-Əhməd əl-Cabir əs-Sabaha təbrik məktubu ünvanlayıb.
ERtv AzərTAc-a istinadən xəbər verir ki, təbrik məktubunda deyilir: Əlahəzrət, ölkənizin milli bayramı münasibətilə Sizi və xalqınızı səmimi qəlbdən təbrik edirəm.
Ümidvaram ki, Azərbaycan ilə Küveyt arasındakı dostluq və əməkdaşlıq münasibətləri daim inkişaf edəcək və genişlənəcəkdir.
Belə bir əlamətdar gündə Sizə ən xoş arzularımı yetirirəm.