Yanvar ayında Azərbaycanla MDB ölkələri arasında ticarət dövriyyəsi 201 mln. 871 min dollar təşkil edib.
ERtv Dövlət Gömrük Komitəsinə istinadən xəbər verir ki, ticarət dövriyyəsinin 123mln. 966 min dolları idxalın, 77 mln. 905 min dolları isə ixracın payına düşüb.
Bu ilin yanvar ayında Azərbaycanın MDB ölkələrinə ixracı ötən ilin yanvar ayından 35% az, bu ölkələrdən idxalı isə 26% az olub.
Ötən ay MDB ölkələrinə ixrac bu ayda ümumi ixracın 4%-ni, MDB ölkələrindən idxal isə ümumi idxalın 23%-ni təşkil edib.
Yanvar ayında Azərbaycanın ən çox ticarət əməliyyatı apardığı MDB ölkəsi Rusiya olub. Bu ölkə Azərbaycanın ən çox ticarət apardığı beşinci ölkə olub. Ötən ay Rusiya ilə Azərbaycan arasında ticarət dövriyyəsi 145mln. 566 min dollar təşkil edib. Rusiya ilə ticarət Azərbaycanın ümumi dövriyyəsinin 6%-ni təşkil edib