Xəbərlər

27 yaşlı belçikalı velosipedçi Kristof Qoddar öz vətəni Antverpendə avtobus təkərləri altına düşərək ölüb.

ERtv eurosport.ru-ya istinadən xəbər verir ki, Belçika KİV-lərinin məlumatına əsasən həkimlərin ciddi cəhdlərinə baxmayaraq Qoddar hadisə yerində həyatını itirib.

Şahidlərin sözlərinə görə, idmançı velosipedin idarəsini itirərək sərnişin avtobusunun təkərləri altına düşüb və toqquşmadan canını qurtara bilməyib. Qeyd edək ki, avtobus sürücüsü də şok vəziyyətində hospitala çatdırılıb.

Xatırladaq ki, Qoddar 2007-ci ildən etibarən peşəkar velokomandaların tərkibində yarışlara qatılıb.

Belçika-2012 dairəvi-şosse yarışında Tom Bonendən sonra ikinci yeri tutub. Ötən həftə Qoddar “ Katar Tour”da iştirak edib. 2009-cu ildə həmin yarışda iştirak edən komanda yoldaşı Fred Nolf da gözlənilmədən yuxuda vəfat etmişdi. Həmkarının dəfn mərasimində tabutu qaldıranlardan biri Qoddar idi.