Xəbərlər

Həştərxanda üç gənc oğlan alova bürünmüş mənzildən bir qadını və onun 2 azyaşlı uşağını xilas ediblər.

ERtv Rusiya mətbuatına istinadən xəbər verir ki, xilas edənlərdən ikisi azərbaycanlı Sərxan və Orxan Məmmədov qardaşları olublar.

Qardaşlar tanışları Roman Kazaçenko ilə yanğının baş verdiyi binanın mənzillərindən birində çay içirlərmiş. Yanıq iyi hiss edən oğlanlar əvvəlcə giriş vasitəsilə ilə qaçmaq istəyiblər, lakin hər yeri kəskin duman bürüdüyündən eyvandan çıxmalı olublar. Çıxarkən onlar birinci mərtəbədəki mənzildən qatı tüstünün çıxdığını görüblər. Orada iki övladı olan qadının yaşadığını bildikləri üçün onlar düşünmədən özlərini alovun içinə atıblar.

“Qapını qırıb içəri girəndə gördüm ki, oğlan uşağı döşəmədə uzanıb qalıb. Onu tez götürüb eyvana qaçdım. Mən uşağı eyvandan aşağı verəndə, Roman qadını tapıb havaya çıxartdı”, - deyə həmyerlimiz Orxan Məmmədov bildirib.

Yeniyetmələr daha sonra digər uşağı da tüstünün içərisindən tapıblar.

Hazırda Fövqəladə Hallar Nazirliyinin regional idarəsində gəncləri həvəsləndirmək barədə düşünürlər.