Xəbərlər

Rusiyanın Yujno-Saxalinsk vilayətində kilsədə atışma baş verib.

ERtv RİA-Novosti-yə istinadən xəbər verir ki, hələlik naməlum səbəblərdən bir nəfər kilsəyə bazar ayininə gələnlərə atəş açıb. Nəticədə biri rahib, digəri isə ziyarətçi olmaqla 2 nəfər ölüb, 6 nəfər də yaralanıb.

Hüquq-mühafizə orqanları artıq atəş açanın şəxsiyyətini müəyyənləşdiriblər. Bu, yerli özəl mühafizə şirkətlərindən birində mühafizəçi işləyən 1989-cu il təvəllüdlü yerli sakindir. Saxlanılan şəxsin barəsində həbs-qətimkan tədbirinin seçiləcəyi və onun psixoloji ekspertizadan keçiriləcəyi gözlənilir.

Kilsədə atışma ilə əlaqədar «iki və daha artıq adamın ölümünə səbəb olma» maddəsi ilə cinayət işi açılıb.