Xəbərlər

Türkiyədə əməliyyat olunan Azərbaycanın tanınmış diktoru, xalq artisti Rafiq Hüseynov kimyəvi müalicə prosesi üçün qardaş ölkəyə yollanıb.

R.Hüseynov ERtv-yə açıqlamasında bildirib ki, bir müddət öncə kimyəvi müalicə prosesini Bakıda keçəcəyini demişdi.

Amma sonradan fikrini dəyişib:

“Hazırda babatam, özümü yaxşı hiss edirəm. İndi Türkiyədəyəm, sabahdan kimyəvi müalicə prosesimə başlanılacaq. Düzdür, əvvəlcə Bakıda kimyəvi müalicə keçmək istəyirdim. Amma sonradan belə qənaətə gəldim ki, əməliyyat olunduğum xəstəxanada da bu prosesi keçim. Gəldim, həkimim məni müayinə etdi. Vəziyyətim qənaətbəxşdir”.

R.Hüseynov səsinin açıldığını deyib. Əlavə edib ki, kimyəvi proses iki gün davam edəcək:

“Sonra isə hər üç həftədən bir Türkiyəyə gələcəyəm, ikigünlük terapiya kursu keçəcəyəm. Bu proses 4-5 dəfə təkrarlanacaq”.

Qeyd edək ki, bir müddət öncə tibbi müayinə zamanı Rafiq Hüseynovun ağciyərində şiş aşkarlanmışdı. O, 2013-cü il dekabrın 10-da Türkiyədə əməliyyat olunub.