Xəbərlər

ERtv RİA Novostiyə istinadən xəbər verir ki, təntənəli açılış mərasimi “Fişt” stadionunda Moskva vaxtı ilə saat 20:14-da olacaq.

Olimpiya kuboku alovlandırılacaq, bütün dünya üzrə idmançıların birliyini simvolizə edən beş fərqli rəngdə halqalar olan bayraq yüksəldiləcəkdir.

Açılış mərasimi ilə bağlı digər detallar gizli saxlanılır.

Olimpiya ənənəsinə görə, əsas təqdimat mərasiminin ardınca bütün iştirakçı ölkələrin idmançılarının təntənəli keçidi olacaq. Olimpiya kubokunu alovlandıracaq idmançının adı hələ açıqlanmayıb.

Soçi Qış Olimpiya oyunlarında 88 ölkədən idmançılar iştirak edəcək. Bu ölkələr sırasında Timor, Zimbabve, Malta, Paraqvay, Toqo, Tanqo kimi Cənub ölkələri də var.

Olimpiadanın açılışında 44 dövlət başçısı iştirak edəcək. Onlardan bəzilərinin Rusiya rəhbərliyi ilə də görüşləri olacaq. Açılış mərasimində BMT-nin baş katibi Pan Gi Munun da iştirakı gözlənilir. Olimpiadada 15 idman növü üzrə 98 medal uğrunda mübarizə aparılacaq. Soçi Qış Olimpiya oyunlarının  rəmzi bəbir, ağ ayı və dovşan olacaq. Olimpiadanın bağlanış mərasimi 23 fevral 2014-cü il tarixində keçiriləcək.