Xəbərlər

Azərbaycana gəlir bəyannaməsinin elan olunması haqqında qanunun hazırlanması üzrə hazırlıq işləri aparılır.

ERtv xəbər verir ki, bu barədə vergilər naziriFazil Məmmədov bildirib.

Lakin nazir qeyd edib ki, bu, böyük layihədir, onun hazırlanmasına illər lazımdır:

“Düzdür, qərar qəbul olunduqdan sonra həyata keçirilməsinə bir gün lazım olacaq, amma ondan öncə müvafiq prosedurlar və proseslər həyata keçirilməlidir”.

Nazir bu məsələdə xüsusilə amnistiyanı qeyd edib. Onun sözlərinə görə, amnistiya olmadan ümumu bəyannamə sisteminə keçmək olmaz:

“Biz sovetlər dövründən qalmış dövlətik. Buna görə də istər əmlak olsun, istər digər vəsaitlərin leqallaşdırılması üçün amnistiya sisteminə keçmək lazımdır”.

Nazir bu sistemə hazırlığın uzun proses olduğunu, amma bu qərarın qəbul olunması üçün hazırlıq işləri aparıldığını qeyd edib.