Xəbərlər

Bakı Metropoliteninin “28 May” stansiyasının giriş sahəsində tələbat nəzərə alınaraq 10 keçid aparatı qoyulacaq.

ERtv xəbər verir ki, Hərəkət xidmətinin rəisiHidayət Məmmədovun sözlərinə görə, vestibülün mərmər-qranit təbəqəsi və elektrik sistemləri ilə bağlı tədbirlər başa çatdırıldıqdan sonra avadanlıqlar quraşdırılacaq.

Stansiyada artıq eskalator meydançası sahəsində günbəz altında işıqlandırma sistemi quraşdırılıb.

Stansiyada quraşdırılmış çilçıraq həm də qəza işığı funksiyasını daşıyacaq.

Stansiyanın işıqlandırılması ilə bağlı son tədbirlər qarşıdakı günlərdə yerinə yetiriləcək.

Eyni zamanda, Metropolitenin texnoloji korpusunda inşaat tamamlanmaq üzrədir.

İşçilərin korpusa daxil olması üçün müvafiq kart sisteminin tətbiq olunması ilə bağlı işlər də yekunlaşma mərhələsindədir.

Texnoloji korpusun əsas obyekti, hərəkətin təşkili və dispetçer məntəqələri və onların təchizatı üzərində işlər də tamamlanmaq üzrədir.