Xəbərlər

Bu gün görkəmli pianoçu İslam Manafovun doğum günüdür.

ERtv xəbər verir ki, İslam Manafov 1961-ci il fevralın 1-də Bakıda doğulub. 1977-81-ci illərdə A.Zeyallı adına Musiqi Akademiyasında təhsil alıb.

1979-cu ildə Azərbaycan Gənc Pianoçular Müsabiqəsinin laureatı olub.

Maestro Niyazinin dirijorluğu ilə Sergey Raxmaninovun 3 nömrəli piano konsertini ifa etdikdən sonra İ.Manafov fərqli proqramlarla dünyanın bir çox yerində, Moskvanın məşhur konsert zallarında, həmçinin Avstriya, Almaniya, Bolqarıstan, Türkiyə, Sankt-Petersburq, Tbilisi, Nijni Novqorod, Mahaçqala, Dərbənd, Belarusya, Gürcüstan və başqa ölkə və şəhərlərdə konsertlər verib.

İ.Manafov 1981-86 illər arasında Moskva Caykovski adına Dövlət Konservatoriyasında oxuyub. Burada Professorlar A.A.Nasedkin M.A.Fyodorovanın siniflərində məzun olub.

1996-ci ildə Azərbaycan Mədəniyyət Nazirliyi tərəfindən “İlin fəal sənətçisi” adına layiq görülüb.

1997-ci ildə Minsk Festivalına, həmçinin məşhur opera ifaçısı İrina Arxipova tərəfindən Moskva Beynəlxalq Musiqi Festivalına ifaçı olaraq dəvət edilib.

Eyni zamanda, 1998-ci ildə Sergey Prokofyev, Sergey Raxmaninov, Modest Musorqski, Frederik Şopen və Aleksandr Skryabinin əsəsrlərinin çox önəmli ifalarını gerçəkləşdirib.

Maestro 2002-ci ildə İstek Vakfı tərəfindən Türkiyəyə dəvət edilib.

2002-ci ildə Turkiyənin ən prestijli konsert məkanı CRR Konsert Zalı tərəfindən 8-ci Beynəlxalq Istanbul Piano Festivalına dəvət edilib. 2005-ci ildə Yeditepe Universiteti Kamera Orkestrinin qurub.

Bədii rəhbəri və dirijoru olub. 2007-ci ildə isə bir başqa möhtəşəm zal olan Lütfi Kırdar Konsert və Sərgi Sarayında konsert verib. Elə həmin ildə Türkiyənin və Almaniyanın bir çox şəhərlərində qastrollarda olub.

2007-ci ildə isə “Gənc Orkestr” adlı orkestr yaradıb. Bu orkestrdə bir çox azərbaycanlı gənc musiqiçinin solist və ya çalışması üçün geniş imkanlar yaradıb.

İslam Manafov hazırda Baki Musiqi Akademiyasının və Yeditepe Universitetinin dosentidir. O, fəaliyyətini həm də pianoçu və dirijor olaraq davam etdirir.

Qeyd edək ki, İ.Manafov fevralın 23-də və martın 4-də İstanbuldakı Cemal Reşit Rey Konsert Salonunda və Caddebostan Kültür Mərkəzində konsert proqramları ilə çıxış edəcək. Maestro Türkiyədə yaşayan bütün həmyerlilərimizi konsertinə dəvət edir.