Xəbərlər

Suriyanın insan haqları rəsədxanası yanvarın 22-dən (İsveçrədə sülh danışıqlarının başlanma tarixi) bu yana ölkə ərazisində təqribən 1900 adam öldürülüb.

ERtv “Mignews”a istinadən xəbər verir ki, öldürülənlərin 498 nəfəri dinc sakinlərdir.

Təqribən 431 vətəndaş hökumət və üsyançılar arasında gedən qarşıdurmalarda öldürülüb, 40 nəfər mühasirəyə alınmış rayonlarda ərzaq və dərman çatışmazlığından həlak olub.

Məlumata görə, 27 nəfər “İraq İslam Dövləti” və “Şam Ordusu” üsyançı qruplarının mücahidləri arasında baş qaldıran toqquşmaların qurbanı olub.

Rəsədxananın qeydinə görə, daha 208 üsyançı bir-biri ilə rəqabət aparan qruplaşmalarla kürd polisi arasında baş verən toqquşmalarda öldürülüb. Eyni zamanda üç kürd polisi həlak olub.

Hökumət qoşunu 515 əsgər itki verib. Onların sırasında İraqdan gələn könüllü şiələr də var.