Xəbərlər

Toronto şəhərinin meri Rob Ford “Sports Junkies” radioşousunda müğənni Castin Biberi müdafiə edib.

ERtv Lenta.ru- ya istinadən xəbər verir ki, mer ABŞ və Kanadada yol hərəkəti qaydalarını pozmaqda və sürücüyə hücum etməkdə günahlandırılan  kanadalı müğənninin 19 yaşlı olmasını nəzərə almağı lazım bilib.

“Sports Junkies”  aparıcısına özünü onun yerinə qoymağı, o yaşda nə etdiyini düşünməsini tövsiyə edib. “O, gənc oğlandır. Mən də onun kimi uğurlu olmaq istərdim” – Toronto meri bildirib.

Xatırladaq ki, daha əvvəl bu radioşouda C.Biber  Kanadanın “ən pis ixrac məhsulu” adlandırılıb. 2014-cü ilin yanvarı o, limuzin sürücüsünə hücum etməkdə və başından xəsarət yetirməkdə ittiham olunur.

Qeyd edək ki, Torontonun meri R.Ford özünün ekssentrik davranışları və mənfi vərdişləri ilə məşhurdur. 2013-cü ildə onun adı narkotik istifadəsi və ictimai yerlərdə sərxoş halda görünməklə bağlı qalmaqalda hallanıb. Mer alkoqol və krek  istifadəçisi olduğunu inkar etməyib. Lakin vəzifədən getmək niyyətində olmadığını bildirib.