Xəbərlər

ERtv oxuculara “Meyvələrdən üç meyvə var” rubrikasından növbəti yazını təqdim edir.

Bu dəfə qış mövsümünün ən sevimli meyvələrindən biri olan naringidən söhbət açacağıq.

Naringi Azərbaycanın cənub regionunda ən çox becərilən sitrus meyvələrdən biridir. Vaxtilə cənub bölgəsində hektarlarla narıngi plantasiyası mövcud olsa da, indi bu sitrus meyvə ancaq şəxsi təsərrüfatlarda becərilir.

Bir naringinin çəkisi 50-200 q aralığında olur. Mütəxəssislərin bildirdiyinə görə, yaxşı qulluq edəndə bir ağacdan təqribən 100 kiloqrama qədər meyvə yığmaq mümkün olur.

Yaz aylarında çiçəkləyən bitki payızın son aylarında bar verir. Naringi orqanizm üçün olduqca faydalı sayılır.

Sinqa nevroz, mədə-bağırsaq xəstəliklərində, immuniteti zəif olan adamlarda, avitaminozlarda geniş istifadə olunur. Hər insan gündə heç olmasa 3-4 ədəd naringi yeməlidir. Naringinin tərkibində mineral maddələr, vitaminlər, vitamin C, su vardır.

C vitamini ilə zəngin olan naringinin xərçəng xəstəliyinə yoluxma ehtimalını azaltdığı bildirilir. Naringiyə narıncı rəng verən karotin qaraciyər, damar sərtliyi və şəkər xəstəliyinin qarşısını alır.

Naringi insanı bir çox azardan, o cümlədən piylənmədən qoruyar, şəkər xəstəliyi, insult və ürək xəstələrinə kömək edər. Bunu alimlər təsdiqləyir.

Bütün sirr bu meyvənin qabığında olan nobiletin piqmentindədir. Meyvənin özü ilə yanaşı, qabığı da çox faydalıdır. Meyvə efir yağları, A və C vitaminləri ilə zəngindir.