Xəbərlər

Dəm qazı iki nəfərin həyatına son qoydu.

Binəqədi Rayon Polis İdarəsinin 4-cü Polis Bölməsindən ERtv-yə verilən məlumata görə, dünən axşam saatlarında rayonun Rəsulzadə qəsəbəsində nənə və nəvə dəm qazından zəhərlənib.

1958-ci il təvəllüdlü Ağayeva Pəri Əsgər qızı və 2006-cı il təvəllüdlü Ədilə Məmmədova yaşadıqları evdə ağır halda xəstəxanaya çatdırılıblar. Bütün cəhdlərə baxmayaraq nənənin həyatını xilas etmək mümkün olmayıb. 7 yaşlı uşağın vəziyyəti isə ağırdır.

Dəm qazından digər faciə isə Siyəzəndə baş verib. Şəhərin 12-ci massivində yaşayan 34 yaşlı Babayeva Venera Valeri qızı hamamda çimərkən dəm qazından boğularaq ölüb. Ölümə su qızdırıcısından hamam otağına dəm qazının sızmasının səbəb olduğu ehtimal olunur.

V. Babayevanın hamilə olduğu bildirilir.

Hazırda hər iki faktla bağlı araşdırma aparılır.