Xəbərlər

Dörd gün əvvəl Qax rayon Ağçay kənd sakini evdən çıxaraq ova yollanıb və bir daha geri dönməyib.

ERtv-nin bölgə müxbiri Qax Rayon Polis Şöbəsinə istinadən bildirir ki, Ağçay kənd sakini Bədrəddin Babayev yanvarın 17-də evdən çıxaraq İlisu kəndi istiqamətində ova gedib və bir daha geri dönməyib.

Onun həmin gün ov məqsədilə getdiyi İlisu kəndində yüksək qayalıqdan yıxılaraq öldüyü məlum olub. Lakin mərhumun meyitinin yerini müəyyən etmək mümkün olmadığından hadisə yerinə Fövqəladə Hallar Nazirliyinin xilasetmə qüvvələri və helikopteri cəlb olunub.

Ötən gün bir qrup kənd sakini yenidən Bədrəddin Babayevin axtarışına yollanıb və meyit gecə saatlarında yıxıldığı dərədən çıxarılaraq Ağçay kəndinə gətirilib.