Xəbərlər

Erməni mənşəli bir neçə gənc oğlan, həmçinin 21 yaşlı bir qız yanvarın 18-də Santa-Monikada həbs olunub.

ERtv “News.am”a istinadən xəbər verir ki, yerli polisin məlumatına görə, gənc insanların iştirakı ilə baş verən insident balıqçıların toplaşdığı pirsdə qeydə alınıb.

Şahidlərin sözlərinə görə, ermənilər iki balıqçı ilə mübahisə etməyə başlayıblar. Mübahisə davaya çevrilib, nəticədə hər iki qurban bıçaq zərbəsi alıb.

Şübhəli bilinən Araik Ovoyan (24 yaş), Aleks Akop Akkbari (18 yaş), Qevork Baqdasaryan (19 yaş), 16 yaşlı yeniyetmə, həmçinin 21 yaşlı Aqavni Manukyan saxlanılıb.

Onların hər birinin zaminə buraxılması üçün ayrı-ayrılıqda 1 milyon dollar tələb olunur.