Xəbərlər

Rəsmi Tbilisi Gürcüstanın Avropa İttifaqı (Aİ) ilə vizanın liberallaşdırılması üzrə ev tapşırığını 2015-ci ilədək başa çatdıracağına ümid edir.

ERtv Tbilisskaya nedelya nəşrinə istinadən xəbər verir ki, bu barədə jurnalistlərə Gürcüstan xarici işlər nazirinin müavini Tamar Beruçaşvili bildirib.

Tamar Beruçaşvili ümid edir ki, ölkəsi Avropa İttifaqı (Aİ) ilə vizanın liberallaşdırılması üzrə ev tapşırığını 2015-ci ilədək başa çatdıracaq.

“Vizanın liberallaşdırılması üzrə fəaliyyət planı Aİ ilə vizasız rejimi nail olmağa çalışan ölkələr üçün ənənəvidir. Lakin o iki fazadan ibarətdir: biri qanunvericilik, ikincisi isə reallaşdırmaq. Fazalar çərçivəsində Aİ qiymətləndirmə missiyalarını göndərir və onlar da, ölkənin buna nə dərəcədə hazır olduğunu qiymətləndirərək növbəti addım üçün bir neçə tövsiyə verir. Aİ şurası bu tövsiyələr əsasında fazanı bitirib-bitirməmək və ya növbəti addıma keçməklə bağlı qərar verir. Bu gün qanunvericilik fazasının böyük hissəsi uğurla icra olunub, yazda daha bir missiya gözləyirik. Bu, missiya reallaşdırma fazasına keçməyə şərait yaradacaq. Ümid edirəm ki, bu, yaya qədər baş verəcək”, - deyə Beruçaşvili bildirib.