Xəbərlər

2015-ci ildə Bakıda keçiriləcək Avropa Olimpiya oyunlarının tərkibində şahmat da var.

ERtv xəbər verir ki, bu barədə gənclər və idman naziri Azad Rəhimov jurnalistlərə deyib.

O bildirib ki, baxmayaraq ki, şahmat olimpiya idman növü deyil, ancaq Avropa Komitəsinin xüsusi qərarı ilə şahmat və karate həmin olimpiya oyunlarının idman sırasındadır:

“Sözsüz ki, şahmatla bağlı aparılan bütün islahatlar daha yüksək səviyyə çatdırılmalıdır. Çünki ev sahibliyi edərkən bizim çox güclü şahmat komandalarımız var ki, onların sayəsində biz sevinc hissi yaşamalıyıq və bu sahədə biz işlər görəcəyik”.

Nazir deyib ki, gənclərlə bağlı Təşkilat Komitəsi, Təşkilat Ənənə Şirkəti işləyir:

“Bu işə çoxlu gənc cəlb olunub. Biz düşünürük ki, qısa müddətdə böyük kütlə, könüllər Olimpiya oyunlarının hazırlığı prosesinə cəlb olunacaq.

Olimpiya oyunlarının hazırlığına faktiki olaraq ötən ilin əvvəlindən başlanılıb. Artıq bir il var ki, işlər gedir. Demək olar ki, keçən ilin son ayından işlər daha da fəal şəkildə aparılır. Bu il də əsas ilimizdir.

Yəni ki, bu il bütün tikintilər başa çatmalıdır. Bu günlərdə avadanlıqlar alınmalıdır, kənd hazır olmalıdır, nəqliyyat və digər məsələlər hamısı həll olunmalıdır”.