Xəbərlər

Türk Asiya Strateji Araşdırmalar Mərkəzi(TASAM) 28-30 may tarixlərində Ədirnə şəhərində 3-cü Ümumdünya Türk Forumu keçiriləcək.

ERtv xəbər verir ki, forumun əsas mövzuları  “Türk respublikaları: mədəni diplomatiya və turizm”, “Türk və erməni diasporaları İctimai Diplomatiya: imkanlar və risklər” olacaq.

TASAM-ın məlumatında qeyd edilib ki, türk respublikalrı arasında əlaqələri möhkəmləndirmək üçün mədəniyyət diplomatiyasının imkanlarından effektiv istifadə etmək vacibdir.

“Beynəlxalq mədəni dialoq, mədəniyyət diplomatiyası icmalar arasında qarşılıqlı inam yaradılması və ortaq bir gələcək qurulmasında mühüm siyasi vasitədir. Əgər bu proses qeyri-hökumət təşkilatlarını da əhatə etsə, o zaman türk respublikalarında vətəndaş cəmiyyətinin inkişafına töhfə verilmiş olacaq.

Ümid edirik ki, bu forum türk respublikaları arasında mədəni və turizm əlaqələrini möhkəmləndirəcək”.

İkinci mövzunun müzakirəsi zamanı isə əsasən Türk və erməni diasporları arasında elmi dialoqun inkişafına töhfə vermək diqqətdə olacaq:

“Türk və erməni diasporaları arasında mümkün qarşılıqlı əlaqə  bütün qonşular, ilk növbədə, Azərbaycan və Türkiyə ilə yaxşı münasibətləri təşviq edəcək”.