Xəbərlər

Gənclər və İdman Nazirliyinin təşəbbüsü və dəstəyi ilə respublikamızda “Böyük səhnə” gənc ifaçıların musiqi layihəsi həyata keçirilir.

ERtv-nin bölgə müxbirinin məlumatına əsasən, layihənin şərtləri və gündəliyinə uyğun olaraq Azərbaycanın iri şəhərlərində müsabiqənin ilkin dinləmə mərhələsi başlayıb.

Müsabiqənin Şəki-Zaqatala bölgəsi üzrə seçim turu Şəki Musiqi Kollecində keçirilib. Zona mərhələsində Balakən, Zaqatala, Qax, Şəki, Oğuz və Qəbələ rayonlarından 20-dən artıq ifaçı öz istedadını nümayiş etdirib.

İfaçıların çıxışları münsiflər heyəti tərəfindən qiymətləndirilib. Zona seçim turunda fərqlənən 4 ifaçı müsabiqənin növbəti mərhələsinə vəsiqə qazanıb.

Xatırladaq ki, İctimai Televiziyada yayımlanacaq musiqi layihəsinin qalibi Azərbaycanı Danimarkada keçiriləcək “Eurovision-2014” mahnı müsabiqəsində təmsil edəcək.