Xəbərlər

Pensilvaniya Universitetinin arxeoloqları Misirdə qazınılar zamanı Misir fironlarının 13-cü sülaləsinin əsasını qoyduğu ehtimal edilən firon I Sebekxoteptin sərdabasını aşkar ediblər.

Yerli KİV-lər Maddi Mədəniyyət Abidələri üzrə Nazirliyin rəhbəri Məhəmməd İbrahimə istinadla xəbər verirlər ki, sərdabənin çəkisi təxminən 600 tondur və hələ bir il əvvəl aşkarlanıb.

Lakin onun kimə mənsub olduğunu yalnız yaxın vaxtlarda müəyyənləşdirmək mümkün olub. Bu işdə üzərində I Sebekxoteptin adı həkk olunmuş daşlar və taxtda əyləşmiş fironu təsvir edən şəkillər alimlərin köməyinə çatıb.

Bundan əlavə, Qahirədən təxminən 450 kilometr cənubda yerləşən Abidosda aparılan qazıntılar zamanı amerikalı arxeoloqlar qədim Misirdə dəfn zamanı istifadə olunan xüsusi qabların - kanopaların fraqmentlərini də tapıblar. Qazıntı yerində firona məxsus olduğu güman edilən çoxlu qızıl əşya aşkarlanıb.

Alimlərin məlumatına görə, I Sebekxotept eramızdan əvvəl 1730-cu illərdə Misirin hökmdarı olub.
Alimlər fironun məhz Abidosda olduğunu göstərən çoxlu sayda izləri bir vaxtlar burada onun tikdirdiyi ibadətgahın olması ilə izah edirlər.