Xəbərlər

Şəki rayonunda yazlıq bitki əkinlərinin uğurla həyata keçırılməsi aqrar məsələlər şöbəsi tərəfindən diqqət mərkəzində saxlanlılır.

ERtv-nin bölgə müxbiri Rayon İcra hakimiyyətinə istinadən bildirir ki, yazlıq bitki əkinlərinə hazırlıq işlərinin aparılmasında, məhsuldar toxum sortlarının əldə olunmasında, torpağın əkinə keyfiyyətlə hazırlanılmasında, tələb olunan gübrələrın əldə olunmasında, yazlıq əkinlərin vaxtında həyata keçirilməsində və sair tədbirlərdə fermerlərə mütamadı köməkliklər göstərilir.

Həyata keçirilən bu və ya digər tədbirlər nətıcəsində rayonda 6400 hektar sahədə yazlıq bitkilərin əkini həyata kecirilib ki, onun da 418 hektarını vələmir, 1082 hektarını qarğıdalı, 10 hektarını çəltik, 127 hektarını şəkər çuğunduru, 26 hektarını günəbaxan, 389 hektarını paxlalılar, 626 hektarını tütün, 799 hektarını kartof, 944 hektarını tərəvəz, 283 hektarını bostan, 1193 hektarını çoxillik yem bitkiləri, 503 hektarını isə birillik yem bitkiləri təşkil edir. Vegetasiya dövründə yazlıq əkinlərə ardıcıl aqrotexniki qulluq göstərilir, sahələrdə bol məhsul yetişməsi üçün müvafiq tədbirlər görülür.