Qaz sızmasından baş vermiş partlayışlar nəticəsində xəsarət alanlar olub
03 yanvar, 2014 12:25
Quba şəhəri, Sahil küçəsi, 4 nömrəli evdə yaşayan Mayıl Paşayevin həyətindəki yardımçı təsərrüfatda təbii qaz sızmasından partlayış baş vermişdir.
Hadisə nəticəsində xəsarət almış M.Paşayev və onun həyat yoldaşı xəstəxanaya yerləşdirilmişdir.
Ağcabədi şəhəri, E.Sadıqov küçəsi, ev 156-da yaşayan Həmidə İsmayılovanın evində də təbii qazın sızmasından ani partlayış baş vermişdir. Hadisə nəticəsində mətbəxin tavanı dağılmış, xəsarət almış H.İsmayılova xəstəxanaya çatdırılmışdır.
Daxili İşlər Nazirliyinin mətbuat xidmətindən bildirmişlər ki, faktlarla bağlı araşdırmalar davam edir.