Xəbərlər

2014-cü il yanvarın 1-dən Latviya tək Avropa valyutasının qüvvədə olan zonada 18-ci dövlət olub.

ERtv-nin Eurovnews-a istinadən verdiyi xəbərə görə, əhalinin hesablarında olan pullar Latviya Bankı kursu üzrə avtomatik olaraq avroya çevriləcək.

Bu yanvarın 1-i gecə baş verəcək. Əhalinin yarısı yeni valyutaya qarşıdırlar. Digərləri isə buna etinasız yanaşıblar.

“Latanın daha olmayacağı üzücüdür. Avroya keçid məsələsinə gəlincə, bunun necə olacağı məni maraqlandırmır”, - deyə yerli telekanal gənc latış qızdan sitat gətirir. Latviyada çoxları qiymətlərin qalxmasından ehtiyat edirlər. “Əgər qiymətlər qalxmasa, əlbbət ki, buna ümid edəcəyik, ancaq qorxuram ki, indiyə qədər avro zonaya keçən bütün ölkələrdəki kimi qalxacaq. Hamıda qiymətlər qalxır. Yəqin ki, bizdə də qalxacaq. Bu pis haldır”, - deyə yaşlı latış bildirib. Latviyaya qədər 2011-ci ildə Estoniya da avrozonaya qoşulub. Orada, Latviyadan fərqli olaraq, ölkə əhalisinin mütləq əksəriyyəti avroya keçidi dəstəkləmişdi.