Xəbərlər

Yeni il münasibəti ilə Qəbələ rayonunda kənd təsərrüfatı məhsullarının satış yarmarkası təşkil olunub.

Rayon İcra Hakimiyyətindən ERtv-yə verilən məlumata əsasən, bayram ərəfəsində əhalinin bir sıra ərzaq və kənd təsərrüfatı mallarına artan tələbatının ödənilməsi, istehlakçıların seçim imkanlarının artırılması, eləcə də süni qiymət artımının qarşısının alınması məqsədilə təşkil edilən yarmarkanın birinci günü bazara 6 ton mal və qoyun əti, 1 ton quş əti, 7 ton süd və süd məhsulları, bal, bayram süfrəsi üçün müxtəlif çərəzlər, meyvə-tərəvəz və digər kənd təsərrüfatı məhsulları çıxarılıb.

Yarmarkada alıcılara bazar qiymətlərindən 20-30 faiz ucuz məhsullar təklif olunub. Əhalinin təlabatını nəzərə alaraq bayram günlərində yarmarkanın davam etdirilməsi, fermerlər və sahibkarlara istehsal etdikləri məhsulu satmağa şərait yaradılması qərara alınıb.