Xəbərlər

Xalq artisti Afaq Bəşirqızı İTV telekanalında qonaq olacaq.

ERtv xəbər verir ki, aktrisa keçirdiyi ürək əməliyyatından sonra ilk dəfə “İlin sənət sevincləri”ndə görünəcək.

Verilişin müəllifi Vidadi Hüseynovun sözlərinə görə, A.Bəşirqızının Yeni ilin ilk günlərində iştirak etdiyi yeganə proqram “İlin sənət sevincləri”dir.

Xalq artisti Amaliya Pənahova, Rus Dram Teatrının baş rejissoru Aleksandr Şarovski, aktrisa Natalya Şarovskaya, Opera və Balet Teatrının solisti Azər Zeynalov, aktyor Qurban İsmayılov və başqaları da verilişə xüsusi rəng qatıblar.

Verilişin musiqili qonaqları isə Xuraman və Fidan Qasımovalar, Brilliant Dadaşova,  İlqar Muradov, Tünzalə Ağayeva, Ədalət Şükürov, Elnur və Zamiqdir.

Veriliş yanvarın 1-də saat 21.00-da efirə gedəcək. Verilişin quruluşçu rejissoru Aydın Əsədulla, quruluşçu operatoru isə İlkin Şirinlidir.

Xatırladaq ki, Afaq Bəşirqızı 2012-ci il sentyabrın 26-da Mərkəzi Neftçilər Xəstəxanasında ürəyindən əməliyyat olunub. 8 saat davam edən əməliyyat İtaliyadan gələn ürək-damar cərrahı və Mərkəzi Neftçilər Xəstəxanasının ürək-damar cərrahı tərəfindən aparılıb.